Gefa eina krónu en stela 10.

Eva Joly varpaði enn nýju ljósi á hversu barnalega hefur verið staðið að málum hér. Sjálfri er mér ofboðið ef einhverjir af billjónamæringunum íslensku hafa verið svo kaldlyndir og siðblindir að féfletta þjóð sína. Eva lýsti hversu langt menn eru tilbúnir að ganga til að verja sitt illa fengna fé, með morðhótunum og aftökum. Og lýsing hennar á því hvernig fjölþjóðafyrirtækin fara að því að mergsjúga ríki í Afríku með aðstoð skattaparadísa veldur ógleði. Gefa einn dollar í hjálparstarf en stela síðan 10 dollurum með því að flytja hráefni í burt með aðstoð bankastofnana víða um heim. Má geta sér til að Bónus hafi gert eitthvað svipað hér? Stofna lágvöruverslun fyrir pöpulinn og flytja síðan allt fé úr landinu á meðan eftirlitsmenn sváfu á vaktinni, eða versluðu í Bónus. 

 

Joly: Leita þarf til erlendra sérfræðinga

Þöggunin má ekki takast

Hér er löng grein um nektardansstaði á Englandi. Þar er karpað um tilveru þeirra eins og hér. Þar vilja konur sem dansa naktar ekki koma fram undir nafni - ekki eins og hér þegar ung hughraust kona sagði sögu sína í Vikunni og ungar hughraustar konur tóku viðtalið við hana. En karlaveldið sá til þess að þær eru þaggaðar niður  - enda eru miklir hagsmunir í húfi með þessum síðustu vígjum patríarkísins. Í greininni er því einnig lýst hvernig áhrif svona staðir hafa á konur sem ekki sækja þá - þær hrekjast í burt úr þeim bæjarhlutum því að þeir ógna öryggi þeirra. Og það er stutt í ógnun og ofbeldi gagnvart þeim sem berjast gegn þeim.

Þetta segir "Lucy" í greininni. 

"You probably also lie to your family, and your boyfriend, and it affects your relationships. If I had a pretty low opinion of men before I became a lap dancer, it only got worse afterwards. Because you see the worst of men in there." 

http://www.guardian.co.uk/lifeandstyle/2009/mar/08/sex-industry-lap-dancing  

Já - kaþólskan...

9 ára gömlu stúlkubarni var nauðgað í Brasilíu með þeim afleiðingum að hún gekk með tvíbura. Móðir hennar og læknir, sem sáu til þess að barnið fór í fóstureyðingu, eru bannfærð fyrir vikið. Og Vatikanið í Róm styður prestinn sem útskúfar þau úr kaþólsku kirkjunni. Eina ástæðan fyrir því að barnið er ekki líka bannfært er að hún er of ung.  

Það er ekki auðvelt að ákveða hvar á að byrja - manni verður orðavant. Hvergi í þessum kaþólska heimi fullorðinna karla örlar á því að stúlkan skipti einhverju máli. Ekki að undra að þessi sama kirkja hefur í áratugi sætt ásökunum um að prestar innan hennar misnoti börn - það virðist ekki vera neinn skilningur á velferð barna - hvað þá kvenna.

Enda hvernig ætti það að vera? Karlar sem hafa frá unga aldri lifað í einangruðum heimi kirkjunnar, ekki átt heilbrigð samskipti við konur síðan þeir fóru að heiman frá mömmu, gufa síðan upp innan í prestaskólum og guðsbókum - og fá stöðugt sannanir fyrir því að konur séu ekki guði þóknanlegar, því annars væru konur líka prestar- væntanlega. En Lula forseti brást rétt við.  

http://news.bbc.co.uk/2/hi/americas/7930380.stm 

Nöturlegt

Ekki þægileg lesning. Þótt að Vanity Fair sé stundum kallað slúðurblað er ekki ástæða til að kasta greininni frá sér eins og væri þægilegra að gera.

Nöturleg lýsing á landanum - og viðbótar afhjúpun á hrokafullri afstöðu útrásarsinna. Enginn kemur vel út úr þessu nema ef vera skyldi konur Íslands og spurning sem er efst í huga núna; hvers vegna að búa á þessu landi áfram?

http://www.vanityfair.com/politics/features/2009/04/iceland200904?currentPage=1

Hann er að koma aftur...

DO er í Kastljósinu. Hann fer á kostum og er nú orðinn eini maðurinn sem veit allt -fær upplýsingar um allt. Hann er eini maðurinn sem er treystandi í þessu landi - það segja allir sem við hann tala. Sem sagt - he is coming back! Þetta eru skýr skilaboð til allrar Sjálfstæðismanna - flykkjumst að baki DO - HE IS BACK

Lífið er nú skondið

Hér er sönn saga.

Nítján hundruð sextíu og eitthvað var ég á ferð með fjölskyldu og vinum uppi á hálendinu - barn að aldri. Við Herðubreiðalindir rákumst við á hóp Ameríkana á ferð og við komumst að því að þetta var hópur tilvonandi tunglfara, geimfara, sem voru að undirbúa sig fyrir að fljúga til tungslins. Þetta var hópur af elskulegum ungum mönnum sem tóku vel í að gefa undirritaðri eiginhandaráritun á smápappír úr skissubók. Bróðir minn fékk að eiga ekta hermanna-tinbrúsa sem hann hélt uppá í mörg ár. Síðan gleymdist þetta smám saman og við systkinin körpuðum stundum um hvað hafi orðið um þennan snepil en hann fannst hvergi. En um daginn var ég að skoða gamla pappíra og þar kom snepillinn í ljós!

En nýlega komst ég í tölvupóstsamband við konu nokkra í Flagstaff, Arizona í Bandríkjunum vegna sameiginlegs áhugamáls. Mögulega stendur til að ferðast á þær slóðir í vor, þar eru indíánabyggðir og landslag til jafns við Íslenskar óbyggðir og hún er barnakennari á þessum slóðum og segist vilja bjóða okkur í heimsókn til sín inn á Indíána "reservation".

Þar sem ég var að vafra um netið í leit að upplýsingum um komu geimfaranna til Íslands fann ég gein eftir einn af geimförunum þar sem hann segir frá þessari ferð til óbyggða Íslands með ljósmyndum. En það sem gerði mig alveg hissa var frásögn hans af því að eftir Íslandsferðina lá leið þeirra til frekari æfinga til smábæjar í Arizona, Flagstaff!

 

   

Það vantar enn raunsæjar upplýsingar

Ekki má tala ástandið niður nei - en til að tala það upp eða bara tala um það raunsætt verða að vera til alvöru upplýsingar til almennings og atvinnufyrirtækja. Í tómarúmi skapast pláss fyrir hamslausa vitleysu - og óttinn stýrir oft ferðinni við þannig aðstæður.

 Það er ýmist verið að spá hroðalegri nær-framtíð eða bara bærilegri stöðu þar sem "við" ráðum við þessar skuldir og vexti og atvinnuleysi og...

Nú fer sirkusinn að hefjast - undirbúningur fyrir kosningar. Þar verður hver vitleysan af annarri þegar frambjóðendur hefja villtan dans um valdastólana. Er ekki tilbúin til að velja neinn flokk, hvað þá? Og til að bæta gráu ofan á svart skulu nú VRingar kjósa sér fólk í margskonar trúnaðarstörf í VR. Þar stendur valið á milli þriggja karla um toppstöðuna. Ég hef ekki áhuga á neinum þeirra - hvað gera Danir þá?       

Ekki má „tala niður" íslenskt efnahagslíf

Af Tuma

Tumi hefur verið heldur fálátur undanfarið - held það sé skammdegið sem hefur skrúfað niður í honum - eða kreppan kannski - en hann er allur að koma til. Hann heldur oft til við Eplamerkið á tölvunni sem er spegill - kíkir þar inn og kallar "halló, halló" á hinn fuglinn sem hann sér í speglinum. "Gugg - gugg- gugg" segir hann og "ertu góður strákur?"

Reyndi að ná mynd af honum við þessa iðju en hann var að vanda eldsnöggur og stökk á myndavélina með opinn gogginn.

Desiderata (Things desired)

Eftirfarandi ljóð er eftir Max Ehrmann frá Indiana í Bandaríkjunum, ort 1927. Ég fann þetta í fórum mínum - hafði skrifað það niður um 1970 - fyrir margt löngu. Nú þegar ég les það aftur átta ég mig á því að ljóðið hefur haft varanleg áhrif á mig og hefur verið mér leiðarljós án þess að ég gerði mér grein fyrir því.

 

DESIDERATA 

Go placidly amid the noise and the haste,
and remember what peace there may be in silence.

As far as possible, without surrender,
be on good terms with all persons.
Speak your truth quietly and clearly;
and listen to others,
even to the dull and the ignorant; 
they too have their story. 

Avoid loud and aggressive persons; 
they are vexatious to the spirit. 

If you compare yourself with others, 
you may become vain or bitter, 
for always there will be greater and lesser persons than yourself. 
Enjoy your achievements as well as your plans. 
Keep interested in your own career, however humble; 
it is a real possession in the changing fortunes of time. 

Exercise caution in your business affairs, 
for the world is full of trickery. 
But let this not blind you to what virtue there is; 
many persons strive for high ideals, 
and everywhere life is full of heroism. 
Be yourself. Especially do not feign affection. 
Neither be cynical about love, 
for in the face of all aridity and disenchantment, 
it is as perennial as the grass. 

Take kindly the counsel of the years, 
gracefully surrendering the things of youth. 
Nurture strength of spirit to shield you in sudden misfortune. 
But do not distress yourself with dark imaginings. 
Many fears are born of fatigue and loneliness. 

Beyond a wholesome discipline, 
be gentle with yourself. 
You are a child of the universe 
no less than the trees and the stars; 
you have a right to be here. 
And whether or not it is clear to you, 
no doubt the universe is unfolding as it should. 

Therefore be at peace with God, 
whatever you conceive Him to be. 
And whatever your labors and aspirations, 
in the noisy confusion of life, 
keep peace in your soul. 

With all its sham, drudgery, and broken dreams, 
it is still a beautiful world. 
Be cheerful. Strive to be happy.

Tvær þjóðir í þessu landi

Eftir að heyra Geir Haarde í viðtali í Hardtalk þættinum hjá BBC er mér loksins orðið ljóst að það búa tvær þjóðir í þessu landi. Sjálfstæðismenn og allir hinir. Á meðan andstæðingar Sjálfstæðisflokksins hrylla sig yfir frammistöðu Geirs í þættinum þá styrkist fylkingin utan um Geir, Davíð og kó. 

Sjálfri heyrði ég ekkert nýtt í þessu viðtali. Spyrillinn er frægur fyrir harðar og málefnalegar spurningar - í þetta sinn vildi hann heyra Geir "say he was sorry". En Geir ætlar að bíða eftir niðurstöðu rannsóknarinnar áður en hann axlar einhverja ábyrgð. Þetta er ekkert nýtt - þessi afstaða Geirs hefur verið sú sama frá upphafi. Ríkisstjórnin hefur ekkert gert nema selja bankana, punktur. Annað sem hefur gerst er vegna ákvarðana bankastjóranna og efnahagslega stormsins sem skekur allan heiminn.

En ég hef áhyggjur að þeirri gjá sem virðist verða sýnilegri með degi hverjum og kosningar eru ekkert tilhlökkunarefni.