Það er ekki minnst á það hvort íslensku bankastjórarnir hafi verið viðstaddir verðlaunaafhendinguna. Tek eftir því að allir hinir sem fengu verðlaun höfðu gert sínar tilraunir af ásettu ráði - ég er á því að þeir íslensku hafi gert sitt óvart - sem er ótrúlega tragískur endir fyrir þá og okkur öll. Einn þeirra er reyndar að endurskrifa söguna og komst í kjöraðstæður til þess.

	Stjórnendur íslensku bankanna fá Ig Nóbelinn
Ábyrgðarmaður færslu Tilkynna um óviðeigandi tengingu við frétt

Hættum þessari meðvirkni strax. Að ég og mínir eigi að borga þær skuldir sem eigendur Icesave stofnuðu til er ólíðanlegt. Ég hef ekki verið í neinum viðskiptum við Landsbankann né tekið ákvarðanir fyrir hans hönd. Er ekki stutt síðan að ábekingar voru aflagðir? Er ekki nýlega búið að breyta því að ef einstaklingur fer ógætilega þá séu þeir sem skrifuðu uppá hjá honum gerðir fallítt og missi heimilin sín? Þetta er sama ranglætið sem verið er að halda að okkur. Sá tími er liðinn að foreldrar og fjölskylda séu gerð ábyrg fyrir fjármálagjörningum fákunnandi eða kærulauss einstaklings.

Nú óska ég eftir hugrekki ríkisstjórnarinnar til að fara að hugsa um hag okkar hér heima en ekki vera að leita með logandi ljósi eftir lausnum fyrir þegna annarra landa. Auðvitað er vont til þess að hugsa að íslenskur banki hafi farið svona illa að ráði sínu en meðvirknin má ekki fá að ráða ferðinni. Og þótt að við skömmumst okkar fyrir fyllirísóráðsíuna hjá þeim - þá vita allir sem þekkja til sýkinnar að það versta er að fara að redda þeim út úr vandanum sem þeir hafa komið sér og öðrum í. 

Þannig vill til að í kringum mig er margt fólk að láta vinna lítil og stór verk í gömlu hverfunum í borginni. Ég tók tali smið sem ég rakst á við vinnu sína og sem var að skipta um glugga í gömlu húsi - hann sagði að nú væri aðaluppspretta verkefna hjá smiðum að sinna vanræktum eldri húsum - og þau hafa svo sannarlega setið hjá undanfarin 10 ár eða svo. Allir iðnaðarmenn hafa verið uppteknir við að byggja nýtt - heilu hverfin sem standa nú auð - virkjanir, brýr og önnur stór mannvirki. Nú er tími viðhalds á því gamla kominn - og kominn tími til. Nú er hægt að fá iðnaðarmenn til verka - það var nær því ómögulegt fyrir ári síðan. Annar smiður sagði að það hafi engin kreppa komið við hjá sér - nóg af verkefnum í því gamla. Hið besta mál.

Hvað á þetta að þýða? Fyrir utan að vekja grun um kennitölubrask þá minna þessar nafngiftir óþægilega á tímana þegar tískan var "Group". Asnalegt og gerir ekkert annað en tæta í sundur samfélagsminnið. Jafn hallærislegt og þegar Íslandsbanki varð að eldrauðum Glitni sem yfirtók öll mannamót um tíma og snáfaðist síðan  í Íslandsbanki aftur með skottið á milli lappanna.

Svona stælar gera ekkert til að byggja upp tiltrú á fyrirtæki. 

	Nafni Eimskips verði breytt í A1988
Ábyrgðarmaður færslu Tilkynna um óviðeigandi tengingu við frétt

Svei mér þá - það er eins og Kaupþingsdrengirnir hafi gleypt "The Secret"  hrátt - en það var mynd sem fór sem eldur í sinu milli manna fyrir nokkrum árum."Bara að hugsa nógu stórt og hratt og þá mun allt lukkast"

En að þeir hafi óáreyttir fengið að taka gamla Búnaðarbankann yfir og síðan ekið honum á 200km hraða fram af bjargbrún með fjölda manns um borð - það er við eftirlits- og stjórnvöld að eiga. Drengirnir voru bremsulausir og kunnu ekkert að keyra en enginn vill kannast við að hafa haft bremsurnar undir höndum.

	Gamalt Kaupþingsmyndskeið vekur athygli
Ábyrgðarmaður færslu Tilkynna um óviðeigandi tengingu við frétt