Þar kom að því

Loksins virðast lög um dýravernd vera farin að virka gagnvart smádýrum. Þetta er ansi hægfara þróun finnst mér - við þekkjum að ill meðferð á þarfadýrum eins og kúm, hrossum og rollum hefur verið tekin nokkuð alvarlega stundum en heimilisdýr hafa ekki átt upp á pallborðið þar til nú.

Ég man þá tíð þegar lítil stelpa gekk alla leið úr Hlíðunum niður í bæ, þar sem dýralæknirinn bjó, með þröst sem hún fann vængbrotinn - dýralæknirinn gerði sér lítið fyrir og sneri þröstinn úr hálsliðnum fyrir framan hana með þeim orðum að það væri ekkert annað hægt að gera. Satt auðvitað - en enginn skilningur á tilfinningum barnsins.

Sektaður fyrir að skilja tvo kisa eftir í óvissu

Athugasemdir

[halkatla, 19.12.2007 kl. 16:45]

hryllileg saga um þröstinn og barnið - en gott til þess að vita að blessuð gæludýrin og þeirra ættingjar séu að öðlast meiri réttindi, fólk sem er vont við dýr er brenglað, það er nú bara þannig...

[Vala (IP-tala skráð) 19.12.2007 kl. 16:48]

Já , "loksins" var líka það fyrsta sem kom upp í hugann hjá mér þegar ég byrjaði að lesa fréttina. .. Ef eftir því sem ég las lengra inn í fréttina þá sá ég að það er ekkert öðruvísi með dýraverndunarlög og dóma eins og allt annað í dómkerfinu hérna á Íslandi. Of væg viðurlög. Sjálf á ég tvær kisur, og tilhugsunin að einhver annar ætti þær og myndi svo bara einn daginn gengi út með þær langt í burtu og skildi þær eftir í reiðileysi, gerir mig svo reiða , ....  finnst 40þúsund vera ansi lítil skeinubót fyrir slíkt athæfi...

[Linda (IP-tala skráð) 19.12.2007 kl. 17:27]

Svona fólk á ekki bara að borga sektir, heldur á það líka að vera dæmt í að hreinsa pissu-kassa í Kattholti í óákveðin tíma. Dýrin eru varnarlaus og okkur háð, og að koma svona fram við þau er óskiljanleg grimmd sem að hlýtur að leka yfir í aðrar hliðar hjá þessu hyski.  

[Halldóra Halldórsdóttir, 19.12.2007 kl. 17:47]

Það er reyndar góð hugmynd að dæma þetta fólk til að vinna við umhirðu á dýrum. Samfélagsvinna undir leiðsögn þeirra sem kunna til verka gæti kannski komið fólki í skilning um alvöru málsins.